TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Enton Abilekaj, duke komentuar në emisionin “Të Paekspozuarit” në MCN TV, faktin e çuditshëm se prej një viti nuk raportohet për kapje droge në Portin e Durrësit u shpreh se kjo është e pamundur sepse ne jemi në nyjë në hartën e trafikut të kokainës në Evropë. Ndërsa Ervin Hodaj, drejtor në Drejtorinë e Krimeve të Rënda në Policinë e Shtetit tha se Shqipëria është vend tranzit i drogës, siç janë edhe vendet e tjera të Ballkanit.
Pjesë nga biseda
Enton Abilekaj: Ka një ndryshim te ne, se ndodhin në Spanjë, ndodhin në portet e mëdha, si porti i Roterdamit, porti i Anversës në Belgjikë se janë porte të mëdha dhe hyn jashtëzakonisht shumë mall, në krahasim me Durrësin. Në portin e Durrësit ne kemi gati një vit që nuk dimë nëse tenton njeri të fusë drogë apo jo.
Ervin Hodaj: Droga që është kapur në dy laboratorët ka kaluar nga porti i Durrësit.
Enton Abilekaj: Po, pra po.
Ervin Hodaj: Ka kaluar në mënyrë të kontrolluar. Agjencitë ligjzbatuese janë aty.
Enton Abilekaj: Bananet vazhdojnë të fshihen, vazhdojnë të shtohen, frutat ekzotikë shtohen. Të kalojë te këto portet e mëdha, me ato sasi të mëdha mallrash është e mundur, por të kalojnë portin e Durrësit, propabiliteti është shumë i vogël dhe nëse ne pastaj hyjnë në listën e vendeve kryesore për trafikun në Evropë të kokainës, atëherë duhet të gjejmë se nga na vjen. Nëse nuk vjen nga porti i Durrësit, duhet të gjejmë nga na vjen. Pse jemi në nyjë në hartën e trafikut të kokainës në Evropë.
Ervin Hodaj: Jo nuk jemi.
Enton Abilekaj: Në raportet amerikane dhe evropiane del se është një nyje e trafikimit të kokainës në Evropë.
Ervin Hodaj: Shqipëria është një vend tranzit i lëndëve narkotike ashtu siç është çdo vend i rajonit të Ballkanit në lidhje me lëndët narkotike, siç është Greqia, Mali i Zi.
Enton Abilekaj: Nuk e kam lexuar raportin për Greqinë, por ata theksojnë Shqipërinë si të veçantë. E dyta është se në Shqipëri është një ekonomi e gjitha kriminale që po ndërtohet dhe kjo nuk është rastësi.
