AKTUALITET, 15 Prill 2024, 18:08

Ndërpritet Komisioni për TIMS, propozon Gogu: Të miratojmë çdo kërkesë të ekspertëve për informacion

Ndërpritet Komisioni për TIMS, propozon Gogu: Të miratojmë

Në mbledhjen e Komisionit Hetimor për të dhënat e TIMS, nënkryetari Toni Gogu propozoi në emër të anëtarëve të mazhorancës të miratohen kërkesat e ekspertëve për informacion.

Pas propozimit Gogu kërkoi një pushim të shkurtër të mbledhjes.

“Votojmë sot çdo kërkesë për marrje informacioni. Por ju lutem mos sillni kulturën e asgjësimit të votës. Ne kërkojmë që të votojmë. Veprimtaria jonë duhet të mos ketë asnjë ves ligjor. Ekspertët mbledhin informacion dhe i propozojnë komisionit një plan hetimor. Nuk mund të ketë vendime të njëanshme. Të miratojmë çdo kërkesë për informacion. Nëse kanë kërkesa të tjera ekspertët, miratojmë edhe ato. Por ju lutem, mos sillni kulturën e asgjësimit të votës. Na jepni mundësinë që të votojmë. Kemi thënë që veprimtaria jonë mos të ketë asnjë ves ligjor. Komisioni asistohet nga 4 ekspertë, që mbledhin informacionin publik dhe përmes informacionit publik i propozojnë Komisionit një plan hetimor. Nuk mund të diskutonim ne dy javë përpara planin hetimor me dëshmitarë, që ne propozuam këtë dëshmitar, por në fakt ju e hoqët. Na jepni kohë të njihemi, sot kanë ardhur kërkesat.“, tha Gogu.