TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Demokracia në Veprim, një rrjet i organizatave jo-qeveritare në Kosovë që promovon zgjedhje të lira dhe të drejta përmes monitorimit të procesit zgjedhor, ka dalë me rezultatet preliminare nga votimet e sotme në Kosovë.
Sipas Eugen Cakollit nga DnV, dalja e përgjithshme në votime është 42.1% në margjina gabimi prej 0.84%, duke mos llogaritur daljen e votuesve me kusht dhe ata që kanë votuar jashtë vendit
“Në këto zgjedhje pa llogaritur votat me kusht dhe ato jashtë vendit kemi një dalje prej 4% më të ulët se në vitin 2021”, tha Cakolli.
Ai prezantoi edhe rezultatet në përqindje të partive, ku tha se këto rezultate preliminare janë refleksion i mostrës në nivelin prej 98% të cilën e kanë pranuar nga tereni dhe mund të pësoj ndryshime gjatë orëve në vijim gjatë numërimit të votave.
Rezultatet preliminare sipas DnV-së:
LVV 40.4% me margjina gabim 1.44%
PDK 21.7% margjina e gabimit +- 1.45%
LDK 17.5% margjina e gabimit +-0.97%
AAK-Nisma 7.2% margjina e gabimit +-0.82
Lista për Familjen 2.4% margjina e gabimit +-0.21%
Lista Serbe 5.4% margjina e gabimit +-1.38%
Cakolli tha se këto rezultate janë të një niveli të saktësisë më të madh se që kanë exit poll-et.
