TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë së Lirisë, Ilir Meta ka uruar ish-gjeneralin e NATO-s, Petr Pavel për zgjedhjen e tij si President i Çekisë.
Meta ka postuar në Facebook një foto nga takimi me Pavel gjatë kohës që ishte President i vendit. Meta shkruan se beson në forcimin e bashkëpunimit mes dy vendeve.
Gjithashtu ai thekson edhe rritjen e përpjekjeve për të përshpejtuar procesin e integrimit të Shqipërisë në Bashkimin Europian.
Postimi i Ilir Metës:
Urime ish-Gjeneralit të NATO, z.Petr Pavel për zgjedhjen si President i Republikës së Çekisë. Besoj në rritjen e bashkëpunimit për thellimin e marrëdhënieve të gjithëanëshme mes Shqipërisë dhe Çekisë, përshpejtimin e integrimit të Shqipërisë në BE, si dhe për mbështetjen e vlerave europiane në të cilat besojmë.
***
Ish-gjenerali i NATO-s, Petr Pavel fitoi në balotazh kundër oligarkut populist dhe ish-kryeministrit Andrej Babis.
Petr Pavel ka qenë i panjohur deri para pak vitesh për opinionin publik çek, por në zgjedhjet e fundit në vend (27/28.01) ai fitoi rreth 58% të votave. Kundërkandidat ishte oligarku populist, kreu i lëvizjes ANO dhe ish-kryeministër, Andrej Babis. Babis arriti të merrte 42% të votave.
