TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Falë ndërhyrjes në kohë dhe veprimeve profesionale të shërbimeve të Policisë, është parandaluar një ngjarje e mundshme kriminale në familje, në fshatin Lulëzim të Memaliajt.
Shërbimet e Stacionit të Policisë Memaliaj, në varësi të Komisariatit të Policisë Tepelenë, pas njoftimit se një shtetas ushtronte dhunë ndaj bashkëshortes së tij dhe e kërcënonte se do ta vriste, kanë organizuar menjëherë ndërhyrjen për neutralizimin e situatës.
Si rezultat, u arrestua në flagrancë shtetasi L. D., 53 vjeç, banues në fshatin Lulëzim, Memaliaj.
Gjatë kontrollit të banesës së tij, shërbimet e Policisë gjetën dhe sekuestruan një armë zjarri pistoletë, e cila u sekuestrua në cilësinë e provës materiale.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme ligjore.
