TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Lufta në Lindjen e mesme po shkakton një krizë dhe kaos në tregun dhe çmimin e karburanteve, duke prekur edhe Shqipërinë.
Por sipas deputetit socialist, Erion Braçe, ajo është më shumë politikë sesa ekonomi dhe kritikoi disa nga masat e qeverisë.
Ai ka reaguar në rrjetet sociale lidhur me çmimin e naftës në Shqipëri, duke theksuar se “ai mbetet më i larti në rajon edhe nëse hiqen taksat”.
Braçe thekson se çmimi neto i naftës në vend arrin në 0.984 euro për litër, duke qenë më i lartë krahasuar me vende si Mali i Zi, Greqia, Kosova, Serbia dhe Maqedonia e Veriut.
“Bën muuu që është 90% politikë dhe 10% ekonomi”, shprehet ligjvënësi i PS mes të tjerash në video-postimin e tij në Instagram.
Sipas tij:
“Edhe duke hequr komponentët si akciza, TVSH apo taksa e qarkullimit, çmimi në Shqipëri mbetet deri në 40% më i lartë se në vendet e rajonit”.
Deputeti i referohet një analize të publikuar nga ALTAX dhe platforma Polifakt.
Gjithashtu mori për referencë lëvizjet dhe masat që kanë bërë qeveritë evropiane dhe rajonale, duke përfshi edhe Italinë.
