TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kristian Shpendi vazhdon vitin e tij magjik me skuadrën e Çezenës në Serinë C. Sulmuesi i talentuar shqiptar, sot ka regjistruar tregolëshin e tij të parë mes profesionistëve në ndeshjen e skuadrës së tij ndaj Pontederës.
Djaloshi ka qenë protagonist absolut në pjesën e parë të takimit kur mes minutave 21 dhe 28, ka tundur tre herë rrjetën e portës kundërshtare, duke i dhënë një avantazh të ndjeshëm ekipit teksa ka shpërdoruar edhe dy mundësi të tjera në fraksionin e parë të lojës që skuadra e tij e mbylli me shifrat 4-0.
Kështu, ai çoi në 13 gola bilancin e tij për momentin në 18 ndeshje të luajtura, duke qenë gjithmonë një nga protagonistët kryesorë të këtij sezoni në Serinë C. Falë këtyre paraqitjeve, sulmuesi i kombëtares Shpresa ka tërhequr vëmendjen e klubeve të njohura nga Seria A dhe B të cilat janë gati të firmosin me të.
