TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ueston MekKeni i ka dhënë lamtumirën Juventusit për t’u transferuar në Premier Ligë. Mesfushori amerikan ka kaluar në radhët e Lids me marrëveshjen e cila është paracaktuar si huazim me të drejtën e transferimit përfundimtar në verë.
Klubi bardhezi bëri të ditur edhe detajet e kontratës së transferimit të futbollistit, teksa ka përfituar 1,25 milionë euro nga huazimi i tij deri në mbyllje të këtij sezoni te anglezët. Nëpërmjet komunikatës së lëshuar, Juventusi kishte bërë të ditur se mund të përfitonte edhe 0,25 milionë euro të tjera në varësi të arritjes së objektivave të caktuar.
Për të transferuar përfundimisht MekKenin, Lids duhet të paguajë 34,5 milionë euro në arkat e Juventusit duke filluar nga vera e vitit 2023. Paralelisht, me arritjen e objektivave të caktuar, kjo vlerë shtohet deri në 4,5 milionë euro të tjera.
