TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti demokrat Luçiano Boçi ka denoncuar publikisht mazhorancën për gënjeshtrën e radhës në lidhje me mbledhjet e Komisionit të Reformës Territoriale, ku ai është njëkohësisht edhe bashkëkryetar.
Deklarata e ligjvënësit lidhet me një reagim të fundit të bashkëkryetarit socialist Arbër Mazniku, i cili akuzoi opozitën se donte dëgjesa më dyer të mbyllura në Kuvend dhe jo me palët në terren.
Boçi tha se Mazniku gënjente dhe se “gënjeshtra i ka këmbët e shkurtra”, sepse mbledhjet janë të regjistruara, përveçse transmetohen online. Deputeti shpjegoi se PD ka kundërshtuar “drekat dhe darkat e planifikuara nga PS me paradat-dëgjesa të saj në zyrat e bashkive”.
“Kundërshtia e deputetëve të PD ishte për drekat e darkat e planifikuara nga PS pas përfundimit të paradave-dëgjesa në zyrat e Bashkive e qarqeve. U habita tek lexova gënjeshtrën perlë të shkruar nga z. Mazniku, sipas së cilës PD ka kërkuar dëgjesa vetëm në Kuvend dhe jo në terren. Nuk e kuptoj se si mund të arrihet deri këtu, kur mbledhja ishte e transmetuar dhe online. E vërteta është se deputetët e PD në komision kërkuan dëgjesa të hapura në çdo Qark dhe Bashki specifike”, shprehet Boçi me reagimin e tij në rrjetin social Facebook.
Në fund, deputeti demokrat nënvizon se gënjeshtrat e socialistëve i kanë këmbët e shkurtra.
“Kjo është e vërteta, e cila e di mirë që gënjeshtra vrapon më shpejt me këmbët e saj të shkurtra, por kush e do të vërtetën le të dëgjojë mbledhjen të regjistruar në faqen e Kuvendit”, nënvizon ai.
Postimi i plotë i Luçiano Boçit:
“Një reagim për drekat e darkat e PS dhe terrenin e PD
U habita tek lexova gënjeshtrën perlë të shkruar nga z. Mazniku, sipas së cilës PD ka kërkuar dëgjesa vetëm në Kuvend dhe jo në terren.
Nuk e kuptoj se si mund të arrihet deri këtu, kur mbledhja ishte e transmetuar dhe online.
E vërteta është se deputetët e PD në komision kërkuan dëgjesa të hapura në çdo Qark dhe Bashki specifike.
E theksoj TË HAPURA për publikun me pjesëmarrje të lirë, dhe jo TË MBYLLURA në zyrat e Bashkive vetëm me zyrtarë bashkiakë siç insistuan dhe kishin projektuar deputetët e PS.
Madje për ne prevalojnë dëgjesat me komunitetet sipas kërkesave që ato kanë paraqitur pranë nesh, ndërkohë që mazhoranca nuk pasqyroi këtë vullnet.
Këto janë ‘terreni’ i vërtetë i PD e jo zyrat e Bashkive të PS.
Njëherazi kërkuam paralelisht thirrjen në dëgjesa në Komision të gjithë kryetarëve e përfaqësuesve politikë në Këshillat Bashkiakë, të cilat duhet të hapen me dëgjesën me Ministrin e pushtetit lokal.
Kundërshtia e deputetëve të PD ishte për drekat e darkat e planifikuara nga PS pas përfundimit të paradave-dëgjesa në zyrat e Bashkive e qarqeve.
Kjo është e vërteta, e cila e di mirë që gënjeshtra vrapon më shpejt me këmbët e saj të shkurtra, por kush e do të vërtetën le të dëgjojë mbledhjen të regjistruar në faqen e Kuvendit”.
