TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia e Shtetit ishte pjesë e një megaoperacioni ndërkombëtar “ICARO.AL” për shkatërrimin e një grupi kriminal që trafikonte kokainë nga Amerika e Jugut drejt Europës.
Në kuadër të megaoperacionit policor ndërkombëtar “ICARO.AL”, të iniciuar nga autoritetet italiane, Policia e Shtetit në Shqipëri, në bashkëpunim me Guardia di Finanza, SPAK, dhe agjencitë partnere ndërkombëtare, ka zbuluar dhe ndaluar disa shtetas të përfshirë në një rrjet kriminal që trafikonte kokainë nga Amerika e Jugut drejt Italisë dhe vendeve të Europës Qendrore.
12 të arrestuar deri më tani, ndërsa 8 të tjerë po hetohen në kuadër të këtij megaoperacioni.
'Deri tani, në kuadër të këtij megaoperacioni janë vënë në pranga 12 shtetas dhe po hetohen 8 të tjerë. Lokalizohen në Shqipëri dhe vihen në pranga, me qëllim ekstradimin, 5 shtetas shqiptarë, të akuzuar si pjesëtarë të grupit.', thotë policia.
Në Shqipëri janë arrestuar 5 shtetas shqiptarë, me qëllim ekstradimin e tyre drejt Italisë:
Igli Dervishi., 30 vjeç, banues në Elbasan;
Shkëlqim Pashja, 44 vjeç, banues në Elbasan;
Ervin Dema, 40 vjeç, banues në Elbasan;
Edmond Zhuja, 41 vjeç, banues në Shkodër;
Genti Berisha, 28 vjeç, banues në Tiranë.
Informacioni i siguruar nga Policia shqiptare mundësoi arrestimin në Spanjë të një tjetër pjesëtari të grupit, Gerardo Pashja alias Astrit Pashja, 48 vjeç, me precedent penal.
'Më tej, si rezultat i sigurimit të informacionit nga strukturat e Policisë shqiptare, dhe shkëmbimit të tij me homologët spanjollë, u vu në pranga në Spanjë shtetasi shqiptar me precedent penal, G. P. alias A. P., 48 vjeç.', thotë policia.
Është identifikuar dhe shpallur në kërkim shtetasi M. M., 28 vjeç, i cili kërkohet gjithashtu për vepra të tjera penale.
'Gjithashtu, gjatë zhvillimit të këtij megaoperacioni, në Shqipëri, është identifikuar dhe shpallur në kërkim shtetasi M. M., 28 vjeç, i cili kërkohet dhe për vepra të tjera penale.'
Grupi kriminal përdorte automjete të modifikuara për të fshehur lëndën narkotike dhe e trafikonte atë drejt qyteteve të Italisë dhe shteteve të Europës Qendrore. Aktiviteti i tyre përfshinte një rrjet të gjerë shpërndarjeje të kokainës në Europë.
Operacioni është rezultat i një bashkëpunimi të ngushtë mes strukturave të Policisë shqiptare, Guardia di Finanza, SPAK, dhe agjencive ndërkombëtare. Interpol Tirana po punon për finalizimin e procedurave të ekstradimit të të arrestuarve drejt Italisë.
'Këta shtetas akuzohen nga Gjykata e Breshias, Itali, se të organizuar si grup, kanë trafikuar lëndë narkotike Kokainë nga Amerika e Jugut, nëpërmjet automjeteve të modifikuara për fshehjen e lëndës narkotike dhe e kanë shitur atë në qytete të Italisë dhe në shtete të Europës Qendrore. Interpol Tirana po bashkëpunon me homologët, për të finalizuar ekstradimet e shtetasve të arrestuar.'
Materialet hetimore janë dorëzuar në SPAK për veprime të mëtejshme. Megaoperacioni vazhdon, dhe priten zhvillime të mëtejshme në goditjen e këtij rrjeti kriminal.
