TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë së Lirisë, Ilir Meta e konsideron çështjen “McGonigal” si një goditje me thikë në zemër të marrëdhënieve shqiptaro-amerikane.
Në një postim në Facebook, Meta thotë se është i domosdoshëm hetimi i thellë dhe gjithëpërfshirës i këtij skandali.
Sipas tij, aleanca mes Shqipërisë dhe SHBA-së, duhet vetëm të forcohet duke vënë përpara ligjit abuzuesit dhe të korruptuarit.
Postimi i Ilir Metës:
Skandali më i fundit që ka pushtuar ballinat e mediave amerikane dhe botërore këto ditë është vërtet një thikë m’u në zemër për marrëdhëniet shqiptaro-amerikane, ashtu siç me të drejtë shkruan sot edhe z.Frank Shkreli, ish-Drejtor i VOA për Shqipërinë.
Ndaj hetimi i plotë, i thellë dhe gjithëpërfshirës, si në SHBA por edhe në Shqipëri i këtij skandali është i domosdoshëm për t’i mbrojtur marrëdhëniet midis dy vendeve tona nga ndikimi i paligjshëm dhe korrupsioni.
Aleanca strategjike midis Shqipërisë dhe SHBA veçse forcohet duke vënë përpara ligjit abuzuesit dhe të korruptuarit cilëtdo qofshin ata!
