TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gazetari Giorgio Mottola i transmetuesit publik italian RAI3, realizoi një investigim në Tiranë i cili u transmetua dy netë më parë. Pjesë e intervistave të gazetarit italian ishte edhe Eugen Beçi, ish-prokuror i Krimeve të Rënda. Por intervista e tij nuk u shfaq në dokumentarin italian.
Beçi tha në studion e emisionit “Të Paekspozuarit” se biseduan për krimin, reformën në drejtësi dhe marrëveshjen e emigrantëve.
“Pjesë e bisedës ishin krimi i organizuar mes Shqipërisë dhe Italisë, dështimi i Reformës në Drejtësi dhe marrëveshja Shqipëri-Itali për refugjatët.
Për krimin e organizuar ishin ato tema që trajtohen në televizionet tona çdo natë. Reforma në drejtësi doli se ishte e ndotur nga mënyra se si janë hartuar ligjet. Si dhe marrëveshja mes dy vendeve për emigrantët dhe vendimi i Gjykatës Kushtetuese të Shqipërisë.
Unë nuk mund t’i tregoja gazetarit italian "paranojat" apo dyshimet e mia se si jam shkarkuar unë nga vettingu. Unë arrita të kuptoj se ku donte të dilte. Dokumentari ka mbledhur të dhëna për të trajtuar sinkronet. Ai ka prekur tre plagë: krimin, reformën në drejtësi dhe marrëveshjen Rama-Meloni për emigrantët”-tha Beçi.
