TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Detaje të reja dalin nga plagosja me armë zjarri e 27-vjeçarit, me iniciale E. P., mbrëmjen e së martës (2 mars) në malin e Kolajve, Velipojë.
Mësohet se i riu është qëlluar me një plumb në pjesën e barkut dhe ndodhet nën kujdesin e mjekëve.
Ai ishte në automjet kur është qëlluar, ndërsa në makinë ishin edhe dy të njohur të tij.
Personat në automjet me 27-vjeçarin e kanë dërguar në spital dhe më pas janë larguar në shpejtësi.
Policia po punon për t’i kapur dhe për ti marrë në pyetje. Ndërsa ende nuk dihet autori i ngjarjes.
Njoftimi i policisë:
Shkodër/Informacion paraprak
Rreth orës 21:45, në malin e Kolajve Velipojë, në rrethana ende të paqarta është plagosur me armë zjarri shtetasi E. P., 27 vjeç, banues në fshatin Pulaj-Plazhë, i cili është transportuar për ndihmë mjekësore dhe ndodhet jashtë rrezikut për jetën.
Shërbimet e Policisë, me marrjen e njoftimit, shkuan menjëherë në vendin e ngjarjes dhe sëbashku me dy grupe të Forcës Kombëtare të Sigurisë Njësia Shkodër po vijojnë krehjen e zonës.
Grupi hetimor në drejtimin e Prokurorisë, vijon punën në vendngjarje për sqarimin e rrethanave të ngjarjes dhe identifikimin e autoreve.
