TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Baton Haxhiu debatoi me pedagogun Ermir Gjinishi në emisionin “Të Paekspozuarit” në MCN TV, për rendin e ri botëror që po lind.
Debati
Haxhiu: E kemi një Evropë që s’di të mbrojë vlerat e veta dhe kjo e bën këtë njeri, Trumpin, të ndërtojë rendin e ri. Ju thotë evropianëve ma jepni Groenlandën se e marrin Kina dhe Rusia dhe ju s’jeni në gjendje ta mbroni. Dhe zotëriu që tha se rendi i ri botëror është spekulim..
Gjinishi: Nuk thashë spekulim, thashë nuk është formësuar.
Haxhiu: Çfarë është formësimi i rendit të ri botëror? Ja nis me njerëz që janë të vegjël.
Gjinishi: Po nuk është ashtu fare se rendi pas Luftës së Dytë Botërore, po të kishte vazhduar me fuqinë e Hitlerit nuk do të ishim sot këtu. E filloi Hitleri rendin e ri botëror.
Haxhiu: Mos shko tutje, te historia. Pse u shkatërrua Liga e Kombeve?
Gjinishi: Nuk është formësuar dhe deri kur të formësohet mund të ndryshojë trajektore disa herë. Këtë po them.
Haxhiu: Logjika politike thotë se i ka dy superfuqi që janë duke u ballafaquar. E ke një mundësi të rreshtohesh nga Amerika, nga Kina apo Rusia? Dhe Bordi i Paqes është rrugë e domosdoshme, që të mos them rrugë e vetme. Që të jesh me Rusinë është të bësh vetëvrasje, të jesh me Kinën ti nuk ekziston si shtet më.
Gjinishi: Trumpi me Rusinë e zgjidhi problemin e Ukrainës, jo me Evropën, as me ne.
Haxhiu: A e di pse e zgjidhi pa Evropën? Sepse Evropa nuk mundi me e mbrojtë territorin e vet që e ndihmoi Ukrainës që të futej në luftë. Ukraina, po të mos kishte këto mbështetjet e pakta amerikane, kushedi ku do të ishte territori i saj dhe fakti i fundit që do të thoja: rendi botëror është gati, është në rrugë. Shtetet si Rusia nuk respektojnë Këshillin e Sigurimit. Ia mori territorin me pushtim Ukrainës dhe nuk jemi në gjendje ta mbrojmë rendin e ri botëror. Mbi këto premisa nga do të shkojmë? Dhe kur të vjen një letër, duhet të ekzaltohesh dhe thua se do ta pranoj me ngutje se e ka emrin e mirë, Bordi i Paqes.
