TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Aktivisti Altin Goxhaj, në një lidhje me emisionin “Të Paekspozuarit” në MCN TV, duke folur për protestën e qytetarëve që sot ishte në ditën e 16-të, u shpreh se kjo protestë nuk është vetëm për Zvërnecin. Ai tha se kjo protestë është patriotike dhe se duhet përmbysur kjo qeveri "kuislinge" dhe klasa politike.
“Berisha nga halli i vet shpiku Sorosin, sepse aty ka lloj-lloj njerzish në protestë. Dhe është hera e parë në jetën time që çdo mbështetës i Arlindit të vijë aty, çdo LGBTQI të vijë aty. Ne nuk kemi dalë vetëm për Zvërnecin.
Nuk janë 3 sllogane, por janë 4. Është edhe “Shqipëria e shqiptarëve, vdekje tradhëtarëve”, por kjo nuk u pëlqen komunistëve.
Kjo protestë nisi si protestë e Sorosit kundër Ramës, që të bënin të njëjtin skenar si në SHBA kundër Trump. Por ishte karma dhe shqiptarët panë në Zvërnec zëvendësimin e shqiptarëve.
Kjo është një protestë patriotike. Duhet përmbysur kjo qeveri kuislinge, këtë klasë politike.
Dje ka ndodhur një kurth dhe sa të dobëta kanë qenë këto kurthe, por u rehabilitua kjo situatë. Policia dhe sistemi kishin nevojë për një kurth që sot u zgjidh ky gabim.
Kjo protestë dhe kjo energji kaq pozitive është karma e 1997-ës që bënë të kundërtën, një lëvizje për sovranitet dhe demokraci për çlirim nga pushtimi.
Unë nesër jam thirrur ng Antiterrori se kam bërë thirrje për rrëzimin e pushtetit me dhunë. Se kam bërë thirrje që të gjithë refugjatët të hyjnë në Ambasadën e Shqipërisë se ne jemi refugjatë në vendin tonë.
Djemtë dhe vajzat e Amerikës do të zbatojnë një profeci që Shqipëria do të shpëtojë. Janë pjesa më e fortë. Nuk gjen një polic dhe gardist që nuk ka një të afërm në protestë. Në 30 qershor do të jetë dita e fundit e paqes se nuk do të rrimë gjithë korrikun dhe gushtin aty që të na sjellë Rama.
Jemi gjithë milingona aty dhe do të jemi superpërbindësh”-tha Goxhaj.
