TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Antidroga zhvilloi një aksion në kryeqytet kundër trafikut të drogës, ku u sekuestruan 1 kilogramë e 130 gram lëndë të dyshuar narkotike kokainë. Gjatë këtij aksioni në zonën e “Myslym Shyrit” në Tiranë u arrestuan tre shtetas.
Bëhet fjalë për Paulo Shyti, 35 vjeç, Xhelo Ajasllari, 23-vjeç dhe Ervin Rakipi, 43-vjeç.
Në një deklaratë zyrtare policia e Tiranës, theksoi se lënda narkotike, së bashku me një automjet dhe celularët e shtetasve të arrestuar, u sekuestruan në cilësinë e provës materiale.
Këta persona janë me banim në Tiranë dhe janë futur në kurth nga një agjent i infiltruar.
Ai ka pretenduar se do të blinte kokainë dhe në momentin kur Paulo Shyti, Xhelo Ajasllari dhe Ervin Rakipi kanë shkuar ta dorëzonin "bukën", menjëherë janë arrestuar në kushtet e flagrancës.
Shërbimet e Policisë kanë lokalizuar në rrugën "Myslym Shyri" shtetasit e lartpërmendur dhe gjatë kontrollit fizik ndaj Paolo Shytit, gjetën 1 kg e 130 gramë lëndë të dyshuar narkotike kokainë. Ndërkohë, shoqëruesi i 35-vjeçarit, Ervin Rakipi ka kundërshtuar policët duke mos ju bindur urdhrave.
Shtetasi tjetër, Xhelo Ajasllari 23 vjeç nuk raportohet të ketë kundërshtuar punonjësit e policisë, por është arrestuar në kushtet e flagrancës bashkë me dy miqtë e tij. Nga ana e oficerëve të Seksionit për Hetimin e Narkotikëve, është sekuestruar kokaina, një automjet dhe celularët e shtetasve të arrestuar.
Tashmë, materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
