TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Aksi rrugor Orikum-Dukat do të vendoset në dispozicion të qytetarëve dhe automjeteve Brenda dy javëve, pasi punimet janë në fazën e fundit të tyre.
Gjatë inspektimit të kantierit, ministrja e Infrastrukturës dhe Energjisë, Belinda Balluku tha se problemeve me shpronësimet në zone janë zgjidhur duke akomoduar përmes bonusit të qirasë edhe banorët në ndërtesa të palegalizuara.
Sipas Ministres, hapja e këtij segmenti do t’i shërbejë ndjeshëm sezonit veror. Kjo rrugë po ndërtohet përmes një partneriteti publik-privat, ndërsa kosto e kontratës arrin në rreth 67.4 mln euro. Gjatësia totale e saj është 14.7 km dhe bën lidhjen me tunelin e Llogarasë, që pritet të hapet për qarkullimin në nisje të këtij sezoni turistik.
