TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Fshati Dhoksat në Gjirokastër u përball me pasojat e shirave të dendura që shkaktuan erozion dhe shembën shtëpinë e familjes Çepa. Banesa u bë e pabanueshme, ndërsa kryefamiljari Leonidha Çepa njoftoi se tashmë jeton në qiell të hapur dhe ka larguar pjesëtarët e tjerë të familjes nga fshati për t’i mbrojtur.
“Kjo ishte shtëpia ime. Tani fle jashtë, e gjithë prona ime është mbuluar; muri ka rënë dhe të gjitha gjërat e mia janë brenda,” tha Leonidha Çepa, duke kërkuar ndihmë nga shteti.
Pas dëmeve të shkaktuara nga moti i keq, Bashkia e Gjirokastrës ka konstatuar dëmtime në rreth 130 shtëpi dhe biznese. Aktualisht, 14 familjeve që kanë mbetur të pastreha po u ofrohet subvencion për pagesën e qerasë.
Autoritetet lokale vijojnë monitorimin e zonës për të shmangur rreziqe të mëtejshme.
