X

Ç’na pret në mandatin e tretë të Ramës? Si përgjigjet Blendi Fevziu


Gazetari Blendi Fevziu, ka qenë i ftuar në emisionin “Të Paekspozuarit” nga Ylli Rakipi në MCN TV.

Ai ka folur për zgjedhjet dhe mandatin e tretë të Edi Ramës.

Pjesë nga biseda: 

Ylli Rakipi: Ç’na pret në mandatin e tretë të Edi Ramës?

Blendi Fevziu: Nuk mendoj se Rama do të ketë ndonjë ndryshim nga dy mandatet, nuk besoj. Ka hedhur idenë e një bashkëpunimi, qeverie të përbashkët. Unë kam menduar se një koalicion i tillë do të ishte katastrofë, do të shkrinte edhe PD-në. Rama ecën me idenë e tolerancës sepse ka marrë mandatin e tretë dhe shkon me idenë që të luajë butë.
Sot është më i qetë dhe fitimtar. Nuk e gjykojmë dot sot, por kur të nisë sërish lufta politike, do të kthehet aty ku ishte.

Ylli Rakipi: Keni ndonjë këshillë për Edi Ramën?

Blendi Fevziu: Di një gjë, Rama është i vetmi nga njerëzit që njoh, që nuk dëgjon këshilla. As nuk kam këshilla për të.
Si njeri që ka histori të gjatë të së djathtës në familje, do të doja që e djathta të mos dekurajohet, të mos mendojë kurrë se në betejë me të majtën është gjithmonë e humbur, sic thotë Rama. Defektin mos e kërko tek tjetri dhe jo tek vetja…

/TPZ.al/

* Për më shume bashkohuni në grupin tonë: https://www.facebook.com/groups/tpz.al/