X

EMA: Mpiksja e gjakut, efekt anësor mjaft i rrallë i AstraZeneca, por përfitimet i tejkalojnë risqet


Rregullatori i barnave të Bashkimit Europian, EMA, ka raportuar sërish mbi vaksinën AstraZeneca, duke konsideruar se mpiksja  e gjakut e shoqëruar nga trombocitet e ulëta, është një efekt anësor mjaft i rrallë i vaksinës.

Por, sipas rregullatorit, përfitimet nga kjo vaksinë, i tejkalojnë risqet.

Konkluzioni i EMA është që ky efekt i rrallë anësor, duhet të listohet zyrtarisht për këtë vaksinë.

Raportimet për kombinimin e mpiksjes së gjakut dhe trombociteve të ulëta, është mjaft e rrallë dhe se përfitimet në përgjithësi për të ndalur Covid-19, i tejkalojnë risqet dhe efektet anësore“, u deklarua nga zyrtarët e EMA.

Emer Cooke, drejtuesja e EMA, tha se kjo agjensi nuk ka mundur të nxjerrë një konkluzion lidhur me moshën apo gjininë, si një faktor risku, pavarësisht se më shumë raste janë parë tek gratë më të reja. Por, sipas EMA efekti i rrallë anësor ka ndodhur edhe tek burrat dhe të moshuarit.

Deri në 22 mars, në vendet e BE, ka patur 62 raste të CVST dhe 24 raste të trombozës së venave, në 25 milionë vaksinime.
18 prej këtyre rasteve kanë rezultuar fatale.

/TPZ.al/

* Për më shume bashkohuni në grupin tonë: https://www.facebook.com/groups/tpz.al/
More in FLASH, KRYESORE, LAJME
EMRAT/ Arrestohen katër shqiptarë në Itali, iu sekuestrohet pasuri me vlerë 1.3 milionë euro

Katër sipërmarrës shqiptarë u arrestuan nga autoritetet italiane me akuzën se shfrytëzonin punonjësit e tyre. Sipas mediave italiane, shqiptarët e...

Close