X

Frika nga variantet e reja/ Italia zgjat kufizimet e udhëtimit deri në 27 mars


Qeveria italiane ka vendosur të zgjasë ndalimin e udhëtimeve jo të domosdoshme mes të 20 rajoneve të shtetit fqinj deri në 27 mars, ne mesin e frikës që kanë ngjallur variantet e reja të koronavirusit. Autoritetet italiane po përpiqen të marrin masa për të frenuar përhapjen e mutacioneve, që konsiderohen shumë më infektuese se variant fillestar i koronavirusit.

Zyrtarët vendas thane se Ministria e Shëndetësisë do të rrisë përpjekjet për vaksinim, duke u kërkuar rajoneve që të përdorin të gjitha dozat që kanë, në vend që ti ruajnë për dozën e dytë.

Ndalimi i udhëtimeve brenda Italisë hyri në fuqi pak para Festës së Krishtlindjes dhe pritej të përfundonte në 25 shkurt, por zyrtarët druhen se lehtësimi i masave të izolimit mund të rezultojë me raste të reja të infektimit me variantin britanik të koronavirusit.

Një nga vendimet e para të kryeministrit Mario Draghi ishte kufizimi për të vizituar familjen dhe miqtë, duke thënë se nuk lejohen më shumë se dy persona te huaj ne një shtëpi. Ndonëse numri i të prekurve me koronavirus nga rënë nga 40,000 në nëntor, në 15,000 tani, shkalla e infektimit dhe përqindja e testeve pozitive është rritur në disa rajone.

Që prej shpërthimit të pandemisë në shkurt të vitit të kaluar, ne Italia janë shënuar 95,718 viktima, shifra më e lartë kjo në Evropë pas Britanisë, dhe e shtata në listën botërore

* Për më shume bashkohuni në grupin tonë: https://www.facebook.com/groups/tpz.al/
More in BOTA, LAJME
Aksidentohet duke punuar tokën 55-vjeçari në Gramsh, dërgohet me helikopter në spitalin e Traumës

Një 55-vjeçar nga fshati Skënderbegas në Gramsh është aksidentuar rëndë duke punuar tokën me një mjet tip freze dore. Ngjarja...

Close