X

Donnarumma objektivi i madh i Manchester United për portën

Manchester United është në kërkim të një portieri. De Gea prej kohësh ka dalë jashtë preferencave të klubit për shkak të paraqitjeve jo gjithnjë pozitive që portieri spanjoll ka treguar në vitet e e fundit. Anglezët po kërkojnë të përfitojnë aq sa munden nga kartoni i 30-vjeçarit, i cili ka një kontratë deri në 2023-in. Interes kanë shafqur PSG, Bayern Munich dhe Juventusi, teksa në anën tjetër United po mundohet të gjej zëvendësuesin e tij. I pari në listë është portieri i Milanit, Gianluigi Donnaruma.

21-vjeçari që më datë 25 shkurt do të festojë 22-vjetorin, nuk ka rinovuar ende kontratën me kuqezinjtë dhe nëse nuk vjen akordi deri në qershor, atëherë mund të largohet me parametër 0, diçka që i intereson tej mase Manchester United, sepse të përfitosh një portier në moshë kaq të re, me kaq shumë talent, që është edhe numri 1 i përfaqësueses italiane, pa shpenzuar asgjë për kartonin është një okazion që nuk para të ofrohet në futbollin modern.

Përfaqësuesi i Gigios, Mino Raiola, ka kohë që kërkon një klub me potencial të lartë ekonomik, dhe me portierin në fund kontrate mund të kërkoj shifra astronomike për pagën e tij, shifra që drejtuesit e Manchester United ndoshta janë të gatshëm t’i shpenzojnë. Donnaruma edhe pse është vetëm 21-vjeç, në sfidën ndaj Interit luajti ndeshen numër 200 në Serinë A.

* Për më shume bashkohuni në grupin tonë: https://www.facebook.com/groups/tpz.al/
More in SPORT
Seria A / Fund plot ankth, Benevento me dhjetë lojtarë i merr pikën Romës

Roma barazoi 0-0 në fushën e Beneventos në një sfidë të cilën duhej ta kishte fituar për faktin e thjeshtë...

Close