

Senati i Shteteve të Bashkuara votoi të martën dhe konfirmoi zotit Antony Blinken për postin e sekretarit të ri Shtetit. Pro emërimit të tij në këtë detyrë votuan 78 senatorë ndërsa 22, votuan kundër.
Gjatë një seance dëgjimore javën e kaluar, zoti Blinken tha se është i gatshëm të përballet me sfidat e ngritura nga Kina, Irani, Rusia dhe Koreja e Veriut. Ai tha se Kina “përfaqëson sfidën më domethënëse” ndaj interesave kombëtare të Shteteve të Bashkuara, ndërsa vuri në dukje se ekziston edhe hapësira për bashkëpunim.
“Ka përplasje në rritje në këtë marrëdhënie; sigurisht konkurruese dhe megjithatë disa edhe bashkëpunuese, kur është në interesin tonë të përbashkët”, shtoi ai.
Zoti Blinken gjithashtu u zotua të ngrejë sërish moralin në Departamentin e Shtetit dhe trupin diplomatik. Zoti Blinken tha se ai e percepton pozitën amerikane jashtë vendit si një vend-udhëheqës që mbështetet tek “modestia dhe vetëbesimi”.
Zoti Blinken ka qenë zëvendës sekretar shteti gjatë administratës Obama dhe ka lidhje të ngushta me Presidentin Joe Biden. Ai ishte drejtor i stafit për Komisionin e Marrëdhënieve me Jashtë të Senatit, në periudhën kur zoti Biden kryesonte këtë panel, dhe më vonë u bë këshilltar i sigurisë kombëtare për ish-Nënpresidentin Biden.
Komisioni i Marrëdhënieve me Jashtë e miratoi kandidaturën e zotit Blinken me 15 vota pro dhe 3 kundër, duke e dërguar kështu për miratimin përfundimtar në Senatin e plotë.
* Për më shume bashkohuni në grupin tonë: https://www.facebook.com/groups/tpz.al/Të ngjashme
SHBA/ Zyra e Inspektorit ligjor zbulon abuzim posti nga ish-Sekretarja e Transportit, Elaine Chao
Rritja alarmante e shifrave/ OBSH thirrje shteteve evropiane: Për të ulur nivelin e infeksionit përdorni karantinën!
Sekretari amerikan i Shtetit: SHBA nuk do të përdorë ushtrinë për të përkrahur demokracinë
Ky shtet regjistron 17,000 tërmete brenda një jave, tani autoritetet presin të shpërthejnë edhe…
Rrëzohet një helikopter ushtarak në Turqi, të paktën nëntë të vdekur dhe katër të plagosur
Kërcënohet Matteo Renzi, zarf me plumba për ish-kryeministrin italian
Tërmet 7.3 ballë në Zelandën e Re, alarm për tsunami
Shtohen ritmet e infektimeve me koronavirus në Evropë
Lini nje Koment