X

“Shi e borë në ditët në vijim”, sinoptikania: Në Tiranë temperatura do të arrijë -1 °C

Ndërsa prej dy ditësh vendi ynë është përfshirë nga reshje me intensitet të mesëm e të lartë, sinoptikania e “Meteoalb” Adiola Bani në një bisedë për “News 24” bën edhe parashikimin për ditët në vijim.

Bëhet me dije se reshjet e shiut do t’ja lënë vendin atyre të borës, kryesisht në zonat malore pasi do të kemi që prej mbrëmjes së sotme edhe rënie temperaturash. Bani foli për temperatura deri në -1 gradë celsius edhe në kryeqytet.

“Ka nisur përmirësimi i kushteve të motit që në mëngjes.

Do të ketë kthjellime deri pasdite ku fuqizohen sërish reshjet. Gjatë orëve të vona të mbrëmjes do të ketë reshje mesatare deri në intensive në gjithë territorin e vendit.

Por, mëngjesi i nesërm do të sjellë një përmirësim të motit. Reshjet do të jenë të pakta. Që sot pasdite pritet edhe rënie temperaturash.

Në zonat verilindore dhe lindore nga Kukësi në Pogradec priten reshje bore. Vlerat minimale arrijnë në -6 dhe -7. Vlerat më të ulëta regjistrohen të mërkurë dhe të enjte. Në Tiranë temperaturat do të arrijnë në 0 ose -1 gradë”,- shpjegoi Bani.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Shembet rruga që lidh Zhulatin me Gjirokastrën, makina përfundon në lumë, plagoset shoferi

Është rrëzuar sërish rruga e fshatit Zhulat, duke lënë 80 familje në izolim total. Rruga është rrëzuar në disa pjesë...

Close