Putin i përgjigjet Navalnyt për “pallatin luksoz”: Nuk më përket mua

Presidenti rus Vladimir Putin ka mohuar kategorikisht të ketë në pronësi rezidencën 1 miliard paund, pamjet e së cilës i publikoi disa ditë më parë kritiku i tij Alexei Nalalny.

“Pallati luksoz” ndodhet në e Gelendzhik rajoni i Krasnodarit, pranë Detit të Zi. Ndërkohë lideri rus i është përgjigjur Nalalnyt duke thënë se ky pallat nuk i përket atij dhe as familjes së tij.

“Unë nuk e pashë këtë film thjesht sepse nuk kisha kohë të lirë, por pashë disa fragmente të zgjedhura nga këshilltarët e mi “, tha presidenti rus gjatë takimit përmes një telekonference që kishte me studentë të universitetit.

“Asnjë nga ato që përmenden në këtë video nuk më përket mua apo të afërmve të mi dhe nuk ka qenë kurrë. Kurrë! “.

Presidenti rus beson se me thashethemet për “pallatin” e tij në Gelendzhik, ata u përpoqën të “lanin trurin” rusëve.

“Këto të dhëna kanë qarkulluar për 10 vjet. Dhe tani, duke marrë parasysh që rasti është i përshtatshëm, ata i mblodhën ata dhe vendosën me të gjitha këto materiale për të larë trurin qytetarëve tanë,” tha presidenti rus.