Sherr në Durrës, qëllohet me armë zjarri, i riu vdes në spital

Vrasje me armë zjarri në Durrës. Mbrëmjen e sotme një person ka humbur jetën në qytetin bregdetar, pasi u qëllua me armë zjarri. 32-vjeçari Jetmir Bregu pas një sherri të çastit në orën 17:20, në lagjen nr.16 u qëllua me armë zjarri në këmbë.

I riu u dërgua me urgjencë në spital, por nuk mundi t’i mbijetonte plagës duke ndërruar jetë. Policia ka shoqëruar disa persona që ndodheshin në vendin e ngjarjes ndërsa thekson se ka ngritur disa pika kontrolli dhe po bëhet krehja e zonës për identifikimin dhe kapjen e autorit.

“Më datë 24.01.2021, në orën 17: 20, në lagjen nr.16, Durrës, pas një konflikti të çastit dyshohet se është plagosur në këmbë, me armë zjarri shtetasi J. B., 32 vjeç, i cili ndodhet në spital nën kujdesin e mjekëve. Në ambientet e Policisë janë shoqëruar disa shtetas të cilët ndodheshin në vendin e ngjarjes, tha policia.

* Për më shume bashkohuni në grupin tonë: https://www.facebook.com/groups/tpz.al/