X

“Jetojmë si në mesjetë”, banorët e Zall Herit ankohen te Tabaku: Bashkia na ka braktisur!

Partia Demokratike ngre shqetësimin se banorët e zonës së Zall Herit, vetëm pak kilometra larg nga Tirana, vuajnë nga kushtet e infrastrukturës.

Në takim me ish-deputeten e PD, Jorida Tabaku, banorët thonë se janë braktisur dhe në izolim të plotë nga bashkia.

“Jetojmë si në mesjetë”, – thonë banorët.

Nga ana e saj, ish-deputetja thekson se kjo zonë është pa rrugë, pa asnjë investim për 500 familje, për ujë dhe drita.

“Çfarë do shqiptari? Investim, rrugë, nuk po kërkoj as shtëpi, asgjë, më trajto si njeri jo si kafshë.

Para një jave erdhi kryeministri më tha e ke kafen e paguar, nuk ia dua kafen. Unë dua investim, jo vetëm personal, po e dua për të gjithë fshatin.

Në Priskë ne nuk kemi drita, jetojmë si ë mesjetë. Me 31 dhjetor ika të marr një kandil me vaj se s’kishim drita në fshat”, tregoi banori.

Një tjetër banor thotë se fshati Pinar, njësia administrative Zallher nuk ka ujë të pijshëm.

“Nuk kemi as ujë për vaditje. Është vend bujqësor dhe blegtoral. Janë rritur dritat, uji, ushqimet, taksat”, tha ai.

Jorida Tabaku e cila ishte pranë banorëve të Zallherit, zonë e drejtuar nga e majta, ku theksoi se kjo është mënyra e qeverisjes së Edi Ramës, duke i gënjyer me një thes miell dhe një kafe dhe nuk bën asnjë investim, nuk kujdesen për punësimin.

“Ata nuk dinë të investojnë, as të bëjnë shkolla, as të bëjnë rrugë, shkollën që ishte e mbyllën.

Ata dinë vetëm të rrisin taksa dhe të gënjejnë.

Nuk është modeli që do Shqipëria, nuk është ky modeli që duan qytetarët”, deklaroi Tabaku.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, FLASH, LAJME
Meta dekoron me titullin e lartë katër mundësit e shquar shqiptarë

Me fjalët që mundja është një disiplinë sportive, që e edukon rininë me disa nga cilësitë më të mira të...

Close