X

Meta: U bashkohem lutjeve, që mirësitë e Zotit të bekojnë çdo familje shqiptare

Presidenti Ilir Meta ka nderuar kujtimin e Hafiz Sabri Koçit, në 30-vjetorin e rithemelimit të Komunitetit Mysliman të Shqipërisë. Teksa ka ndarë një foto krah tij, Meta shprehet se u bashkohet lutjeve që mirësitë e Zotit të bekojnë dhe begatojnë besimtarët dhe çdo familje shqiptare!

“Sot, në 30-vjetorin e rithemelimit të Komunitetit Mysliman të Shqipërisë, shpreh nderimet e mia më të larta dhe falenderimet më të sinqerta për të gjithë drejtuesit e nderuar fetarë të këtij Komuniteti, ndër vite, për qëndrimin e palëkundur në shërbim të çështjes shqiptare dhe kontributin e vyer për edukimin e besimtarëve tanë me vlerat e vërteta të islamit, në funksion të paqes, progresit shoqëror, harmonisë e tolerancës ndërfetare, që e kanë kthyer kombit tonë në shembull për mbarë njerëzimin.

Një homazh për Hafiz Sabri Koçin dhe të gjithë bashkëpunëtorët e tij, të cilët me shumë sakrifica ringritën nga hiri institucionet kultit, pas dekadash terrori. U bashkohem lutjeve tuaja në këtë ditë të shënuar, që mirësitë e Zotit të bekojnë dhe begatojnë besimtarët dhe çdo familje shqiptare!”, shkruan Meta.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Paralajmërimi i Vjosa Osmanit: Nuk do të toleroj të abuzohet me KQZ-në

Presidentja në Detyrë e Kosovës, Vjosa Osmani këtë të shtunë ka thënë se për moscertifikimin e disa subjekteve politike dhe...

Close