X

Përmbytja, Bashkia Shkodër: Vijojnë të mbeten nën ujë 738 hektarë tokë

Mëngjesin e sotëm Bashkia Shkodër ka përditësuar raportin në lidhje me situatën e krijuar nga përmbytjet bën me dije se vijojnë të mbeten nën ujë 738 hektarë tokë.

Oboti dhe Këneta e Dajçit vijojnë të jenë dhe zonat më të prekura nga përmbytjet.

Në Obot vijon të jetë e përmbytur 480 ha tokë bujqësore dhe 250 ha në zonën e quajtur “Këneta e Dajçit” (fshatrat Mushan,Shirq,Suka-Dajç).

Bashkia shpjegon se rruga e Obotit është e kalueshme vetëm me mjete të larta. Niveli i ujit mbi rrugë arrin rreth 15cm.

Raporti/ Bashkia e Shkodrës: Situata nga përmbytjet:

Nga monitorimi periodik në terren ditën e sotme datë 22.01.2021,ora 08.30, situata e përmbytjeve në terren vazhdon të jetë si më poshtë:

• Hidrometri në Dajç në orën 08.30, shënon kuotën 5.65 m.(Kuota max 6.30 m).
• Hidrometri i Liqenit të Shkodrës në orën 08.30,shënon kuotën 8.01 m.(Kuota max 8.70 m).
• Hidrometri i lumit Drin në orën 08.30,shënon kuotën 6.27m. (Kuota max 7.50 m).

Bashkia Shkodër

Siperfaqe totale e përmbytur 738 Ha

1. Tokë e pakultivuar 198 Ha

2. Foragjere të dyta, jonxhe 525 Ha

3. Grurë 15 Ha

Nj.A. Ana e Malit

1. Rruga e Obotit është e kalushme vetëm me mjete të larta. Niveli i ujit mbi rrugë arrin rreth 15cm.

2. Ujesjellesi Oblika 1 si pasojë e përmbytjeve është jashtë funksionit.

3. UKSH ka furnizuar me uje te pijshëm banore të fshatit Oblikë.

4. Sipërfaqja e tokës bujqësore e përmbytur vlerësohet në 480 Ha, kryesisht në fshatrat Obot, Muriqan,Oblikë

• Tokë e pakultivuar 95 Ha
• Foragjere të dyta, jonxhe 380 Ha
• Grurë 5 Ha

Nj.A Dajç

1.Sipërfaqja e tokës bujqësore e përmbytur vlerësohet në 250 Ha, kryesisht në zonën e quajtur “Këneta e Dajçit” (fshatrat Mushan,Shirq,Suka-Dajç), nga të cilat :

• Tokë e pakultivuar 100 Ha
• Foragjere të dyta, jonxhe 140Ha
• Grurë 10 Ha

Nj. A. Guri i Zi

Vazhdon gerryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.

Nj.A.Bërdicë

Vazhdon gërryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme.

Nj.A.Rrethinat

Sipërfaqja e tokës bujqësore e përmbytur vlerësohet në 8 Ha, në fshati Zues (tokat në fushen e Oblikës)

• Tokë e pakultivuar 3 Ha
• Foragjere të dyta, jonxhe 5 Ha

-Kërkohet që nga Drejtoria e Ujitjes dhe Kullimit Lezhë të ndërhyet për marrjen e masave për pastrimin e “përroit të kufirit” Muriqan në Nj.A Ana e Malit.

-Kërkohert mbeshtetje me baze ushqimore per gjene e gjalle ( koncentrat) për NJ. A. Ana e Malit dhe Dajç, sipas kërkesës të bërë nga Bashkia Shkodër me nr.689 prot, datë.14.01.2021.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, FLASH, LAJME
Iu ndalua të kandidojë në zgjedhje, KQZ do të vendosë sot për Albin Kurtin

Gjatë ditës së sotme Komisioni Qendror i Zgjedhjeve në Kosovë do të mbajë mbledhjen e radhës. Pritet që sot të...

Close