X

Kupa e Italisë/ Lazio mposht Parmën dhe kalon në çerekfinale

Lazio kualifikohet në çerekfinale të Kupës së Italisë, ku do të përballet me Atalantën. Skuadra e drejtuar nga Simone Inzaghi iu imponua 2-1 në fazën e 1/8 -ave Parmës, e cila rrezikoi ta çonte sfidën në shtesë.

Titullarë në radhët e bardhekaltërve ishin portieri Thomas Strakosha dhe “dardani” Vedat Muriqi, të cilët qëndruan në fushë gjatë gjithë ndeshjesh, ndërsa Marco Alia ishte portieri i tretë në stol.

I pafat gjiganti Muriqi në minutën e 14-të, me shtyllën që i mohoi golin. Edhe pak çaste më vonë rrezikoi portën e Parmës, por pa mundur të shënonte.

Gjithsesi, në minutën e 24-t, Marco Parolo zhbllokoi me kokë rezultatin, duke i dhënë qetësi skuadrës së tij. Lazio dominoi në lojë dhe raste edhe në minutat në vazhdim, megjithatë golin e radhës e shënuan miqtë me Valentin Mihailan, që me një aksion individual mundi të mposhtte Strakoshën.

Me fat Lazio në minutën e fundit të kohës së rregullt, teksa Colombi i Pamës devijoi në mënyrë të pavullnetshme një top drejt portës së tij. Pikërisht ky autogol i dha kualifikimin Lazios në fazën çerekfinale.

* Për më shume bashkohuni në grupin tonë: https://www.facebook.com/groups/tpz.al/
More in SPORT
Shënon Çinari/ Partizani fiton derbin me Tiranën

Eraldo Çinari u bë heroi i Partizanit në fitoren 1-0 me Tiranën, ndërsa i mjaftuan vetëm pak minuta në fushë...

Close