X

Rrjedhje gazi në një shkollë tek “Don Bosko”, evakuohen nxënësit, katër prej tyre dërgohen në spital

Evakuohen nxënësit në një shkollë jo publike në Don Bosko. Shkak është bërë rrjedhja e gazit në sistemin e ngrohjes.

Katër prej tyre kanë pasur marrje mendsh dhe janë dërguar në spital ku po marrin ndihmën e parë mjekësore.

Policia bën me dije se në vendngjarje kanë mbërritur shërbimet e uniformave blu të cilët po punojnë për normalizimin e situatës.

“Më datë 20.01.2021, rreth orës 09:30, në një shkollë në rrugën “Don Bosko”, si pasojë e një rrjedhje gazi në sistemin e ngrohjes, është bërë evakuimi i të gjithë nxënësve të shkollës.

Gjithashtu janë dërguar në spital, katër prej nxënësve ku po ju jepet ndihma mjekësore, pa probleme për jetën. Në vendngjarje ndodhen shërbimet e policisë, të cilët po punojnë për normalizimin e situatës”, njofton policia.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, FLASH, LAJME
“Burgosje të panumërta”, OKB: Turqia po shkel rëndë Konventën Ndërkombëtare të të Drejtave Civile dhe Politike

Kritikat ndërkombëtare për qeverinë turke dhe burgosjet e panumërta nga ana e saj e qytetarëve turq po bëhen sa vjen...

Close