X

Ngricat shkaktojnë probleme në qarkun e Dibrës, mungesë energjie elektrike dhe uji të pijshëm


Banorët e Njësisë Administrative të Kalasë së Dodës prej një jave ankohen se mungon energjia elektrike dhe uji i pijshëm pasi temperaturat kanë shënuar minus -12°.

Po kështu dhe Njësia Zall Dardhë në Bashkinë e Dibrës ka probleme me ujin e pijshëm dhe me mungesën e energjisë elektrike. Sipas banorëve, lartësia e borës arrin në 20cm dhe rrugët e fshatrave janë komplet të bllokuara nga prezenca e akullit në rrugë.

Nuk lëvizin dot fugonat e fshatrave drejt qendrave të banuara, po boshatisen dhe dyqanet e fshatrave dhe s’kanë mundësi furnizimi me miell dhe ushqime të tjera, siç thonë banorët.

Disa fshatra të thella në qarkun e Dibrës janë të izoluar që kur kanë vazhduar reshjet e dëborës. Banorët bëjnë apel për ndihmë instancave përkatëse.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, FLASH, LAJME
VIDEO/ Sekuestrohen mbi 35 kg marijuanë në Igumencë, arrestohet shqiptari

Në kufirin greko-shqiptar janë sekuestruar  35 kg 880 gram marijuanë. MeDiat greke raportojnë se se sasia e drogës është kapur...

Close