X

Kujdes në mëngjes me këto tre lloj ushqimesh, shkaktojnë fryrje në stomak

Problemet me tretjen dhe fryrja e stomakut janë me të vërtetë të parehatshme e shpesh plot dhimbje.

Prandaj ushqimet që përzgjidhni në mëngjes mund të shkaktojnë fryrje apo probleme me tretjen dhe për këtë arsye duhet të jeni të vëmendshëm ndaj:

Ushqimet e pasura me fibër

Fibra është shumë e rëndësishme për tretjen por nëse ajo merret në sasi tepër të mëdha në një vakt të vetëm do të shkaktojë padyshim probleme me tretjen dhe fryrje.

Trupi duhet përgatitur ngadalë që të jetë në gjendje të përballojë volumin e fibrës së tretshme.

Ushqimet me sasi të lartë fibre duhen përfshirë në regjimin tuaj ushqimor në mënyrë të ngadaltë dhe duhen pasuar gjithnjë me më shumë ujë.

Ushqimet e ëmbëlsuara artificialisht

Sipas agroweb.org, stomakut nuk i pëlqejnë ëmbëlsuesit artificialë sepse ndikojnë tek mikrobioma.

Konsumi i tepruar i këtyre sheqernave mund të shkaktojë fryrje por edhe diare.

Lëngjet natyrale

Nëse jeni dashamirës i nisjes së ditës me lëngje frutash, perimesh apo mikse, tregoni kujdes.

Lëngjet, përfshirë këtu edhe atë të selinosë, nuk përshtaten mjaft mirë me stomakun dhe mund të shkaktojnë fryrje dhe probleme me tretjen.

Kjo ndodh sepse gjatë shtrydhjes, fibra në fruta dhe perime eliminohet dhe ajo që mbetet janë sheqernat.

Në vend të lëngjeve të thjeshta, përpiquni të kombinoni lëngjet e frutave me të perimeve duke i përzier në mikser e duke i pasuruar me fara të shëndetshme dhe kos.

Një këshillë e fundit, por jo për nga rëndësia, është që të mos hiqni kurrë dorë nga mëngjesi sepse edhe mungesa e tij shkakton fryrje në stomak.

* Për më shume bashkohuni në grupin tonë: https://www.facebook.com/groups/tpz.al/
More in Magazine
Aktorja shqiptare i futet politikës: Gati të garoj në zgjedhje

Aktorja shqiptare, Adriana Matoshi, i është futur politikës. Lajmin e ka dhënë vetë ajo përmes një statusi në rrjetet sociale,...

Close