X

Kryemadhi takim me banorët e Peqinit: Qeveria nuk ka investuar në këtë qytet, vetëm fasada

Kryetarja e LSI, Monika Kryemadhi, zhvilloi këtë të shtunë një bashkëbisedim me banorët e Peqinit, me të cilët foli për problematikat e tyre të përditshme.

Mes të tjerash, Kryemadhi u ndal te koha e acartë, duke thënë se sot është një nga ditët më të ftohta të vitit, por problemet janë të përditshme jo vetëm në Peqin, por në çdo cep të Shqipërisë.

“Nga eksperienca ime që kam pasur edhe më parë, peqinasit janë njerëz punëtorë, të cilët çdo ditë e më shumë i përkushtohen punës së tyre, tokës së tyre, ashtu sikurse edhe nga ana tjetër e kanë shumë të pamundur mbijetesën për sa i përket taksave të larta, mungesa e subvencioneve për ata që merren me bujqësi, por nga ana tjetër brenda qytetit problem është mungesa e rrugëve dhe infrastrukturës.

Pak para se të vinim këtu ishim në një kafe brenda në qytet, ku u takova me dy mësues rastësisht, ishin çift burrë e grua, të cilët po flisnin për problemet e arsimit dhe u shprehën se cilësia e mësimdhënies te fëmijët është shumë e dobët.

Sot është një ditë me diell, por bën shumë ftohtë, një nga ditët më të ftohta të vitit dhe balta ka ngrirë dhe nuk e ndjen në këmbë, por problemet janë të përditshme, por jo vetëm këtu në Peqin, por edhe në çdo cep të Shqipërisë, pavarësisht se fasada mund të jetë e ndryshme për shkak të ngjyrës, për shkak të zonës, për shkak të mentalitetit, por problematike është e njëjta: Taksa të larta, mungesa e vendeve të punës, paga të ulëta dhe të papaguara. Po ashtu kemi edhe mungesën e autoritetit të shtetit për t’i ndihmuar qytetarët e saj”, u shpreh Kryemadhi mes të tjerash.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, FLASH, LAJME
PD i rindërtoi shtëpinë invalidit në Tiranë, Zhupa: E braktisi qeveria! Në 25 prill nis ndryshimi

Disa muaj më parë, zëdhënësja e PD Ina Zhupa denoncoi braktisjen nga qeveria dhe bashkia të qytetarit të Tiranës, Shaqir...

Close