X

Ursula von der Leyen për presidentin e ri të SHBA: Pritëm katër vjet për këtë moment

Presidentja e Komisionit Europian, Ursula von der Leyen, mirëpriti faktin që të tre kandidatët për udhëheqjen e Partisë Demokristiane (CDU) janë “deklaruar evropianë”.

Von der Layen, e cila i përket Partisë Demokristiane gjermane, në fjalimin e saj në hapjen e kongresit të CDU për zgjedhjen e pasardhësit të Angela Merkel vlerësoi kancelaren dhe qeverinë gjermane për kontributin e saj në muajt e fundit në presidencën e Këshillit të BE.

“Ne mund të shohim me të vërtetë se çfarë ofron Gjermania. Jemi më të fortë kur jemi të bashkuar, “tha Presidentja e Komisionit.

Gjatë fjalës së saj, ajo nuk kurseu edhe lëvdatat për presidentin e ri të SHBA-ve Joe Biden.

“Javën tjetër, Joe Biden do të jetë Presidenti i ri i SHBA. Shumë prej nesh kanë pritur për katër vjet për këtë moment, “ tha ajo, duke shtuar se BE donte një fillim të ri në marrëdhëniet me Shtetet e Bashkuara, duke përfshirë mbrojtjen e klimës.

* Për më shume bashkohuni në grupin tonë: https://www.facebook.com/groups/tpz.al/
More in BOTA, LAJME
Gjenevë/ OKB paralajmëron: Po shkojmë drejt një ngrohjeje globale të rëndë

Bota po shkon drejt një ngrohjeje globale katastrofike në shekullin XXI, pas një viti rekord 2020 për temperaturat, paralajmëroi dje...

Close