Vrasja e të riut nga policia shkakton protesta të dhunshme në Bruksel

Afërsisht 500 demonstrues u mblodhën të mërkurën në stacionin policor të Brukselit Verior pas vdekjes së Ibrahima B. (23 vjeç), i cili vdiq rreth një orë pasi u arrestua fundjavën e kaluar.

Edhe pse kryetari i bashkisë Saint-Josse-ten-Noode, Emir Kir kishte dhënë vetëm leje për një demonstrim statik me 100 të pranishëm, afërsisht 500 njerëz u paraqitën për të kërkuar qartësi në lidhje me shkakun e vdekjes së të riut.

Fillimisht, demonstrata u zhvillua paqësisht, por rreth orës 4:00 pasdite shpërtheu një trazirë dhe disa njerëz filluan të hedhin gurë dhe fishekzjarre ndaj policisë, e cila përdori ujë për shpërndarjen e tyre. Organizatorët e demonstratës u përpoqën më kot të qetësonin njerëzit. Në ndërkohë, xhami i një makine policie u thye dhe zjarret e vegjël filluan në disa vende.

Grupe njerëzish gjithashtu përparuan deri në Place Liedts në Schaerbeek, ku thyen xhamat e stacionit të policisë. Është ende e paqartë nëse është bërë ndonjë arrestim ose nëse ndonjë person është plagosur.

🔴🇧🇪#Bruxelles Gare du nord: La foule a répondu présent à l'appel à manifester pour demander la vérité sur le décès d'Ibrahima, 23 ans, survenu une heure après son interpellation par la police samedi dernier.
📽@ArthurSente pic.twitter.com/SNaxPBJ9G7

— Le DéCaLé📽 (@ledecaledu25) January 13, 2021