X

Atletico nuk e fal Sevillan, Reali mbetet me katër pikë pas

Atletico e Madridit nuk bën blof në “Wanda Metropolitano” përballë një rivali të fortë si Sevilla. Skuadra e Diego Simeones fitoi 2-0 ndaj ekipit andaluz dhe shkëputet në krye të renditjes me 4 pikë më shumë se Reali i Madridit. Nuk duhet harruar fakti se “Los Colchoneros” kanë edhe dy ndeshje më shumë për të zhvilluar krahasuar me rivalët ndërqytetas, çka do të thotë se potencialisht mund ta zgjerojnë hendekun me 10 pikë.

Sa i përket ndeshjes, Atletico nuk i la agjë rastësisë, përkundrazi, shënoi që në minutën e 17-të me Correan, duke marrë kontrollin e lojës dhe sigurisht epërsinë psikologjike. Golin e sigurisë skuadra e Simeones e realizoi në minutën e 76-të me Saul, për t’i luajtur më qetë minutat e mbetura.

Vazhdon të zhgënjejë Osasuna e vendit të fundit, e cila u mposht 2-0 nga Granada me finalizimin e Suarez Charris dhe autogolin e Herreras.

* Për më shume bashkohuni në grupin tonë: https://www.facebook.com/groups/tpz.al/
More in SPORT
Penalltitë “i buzëqeshin” Milanit, Tatarusanu çon kuqezinjtë në çerekfinale

Milani bëhet skuadra e parë çerekfinaliste e Kupës së Italisë, pasi mposhti Torinon me rezultatin 5-4 me penallti, duke qenë...

Close