Vladimir Putin mesazh urimi Metës për Pavarësinë e Shqipërisë

28 Nentor, 2020 12:32

Presidenti i Rusisë Vladimir Putin ia ka dërguar një telegram urimi kreut të shtetit shqiptar Ilir Meta me rastin e 108-vjetorit të Pavarësisë së Shqipërisë.

Në mesazhin e tij Putin shprehet i bindur se zhvillimi i marrëdhënieve ruso-shqiptare do t`u përgjigjej interesave të popujve të vendeve tona dhe tërë kontinentit Evropian.

“I nderuar zoti President,

Pranoni urimet e sinqerta me rastin e festës kombëtare të Shqipërisë, Ditës së Flamurit.
Jam i bindur se zhvillimi i marrëdhënieve ruso-shqiptare do t`u përgjigjej interesave të popujve të vendeve tona dhe tërë kontinentit Evropian.

Ju uroj shëndet dhe suksese, ndërsa të gjithë bashkatdhetarëve Tuaj – lumturi dhe prosperitet. Me respekt, Vladimir Putin”, thuhet në mesazhin për Metën.

* Për më shume bashkohuni në grupin tonë: https://www.facebook.com/groups/tpz.al/