X

Kërkohej në Itali për organizatë kriminale dhe drogë, arrestohet 30-vjeçari në Vlorë

Arrestohet nga Policia një 30-vjeçar në kërkim ndërkombëtar, me qëllim ekstradimi drejt Italisë.

Operacioni u zhvillua nga DVP Vlorë, në bashkëpunim me Interpol Tirana.

Njoftimi i policisë:

Në vijim të punës për kapjen e personave të shpallur në kërkim kombëtar e ndërkombëtar, strukturat e Drejtorisë Vendore të Policisë Vlorë, si rezultat i shkëmbimit të vazhdueshëm të informacioneve me ZQK Interpol Tirana dhe Departamentin e Policisë Kriminale, mbrëmjen e djeshme kanë bërë të mundur lokalizimin dhe arrestimin provizor të shtetasit të shpallur në kërkim ndërkombëtar:

G. K., 30 vjeç, banues në Orikum, Vlorë.

Ky shtetas ishte shpallur në kërkim ndërkombëtar nga autoritetet policore italiane, pasi Gjykata e Messinas, Itali, ka lëshuar urdhër-arrestin për veprat penale “Pjesëmarrja në organizatë kriminale” dhe “Trafikimi i lëndëve narkotike”, parashikuar nga Kodi Penal italian.

Interpol Tirana, në bashkëpunim me Interpol Romën, vijon procedurat për ekstradimin e tij drejt Italisë.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Një vjetori i tërmetit tragjik, ambasada e SHBA: Do të vazhdojmë të rindërtojmë Shqipërinë

Ambasada e SHBA në Tiranë kujton tërmetin tragjik të 26 nëntorit 2019, që tronditi Shqipërinë, duke marrë 51 jetë njerëzish...

Close