X

Familja Murati nis dimrin e dytë në çadër: Enver Hoxha për tre muaj i bëri të gjitha në tërmetin e 79’, askush nuk ka ardhur

Një vit pas tërmetit, në familjen Murati në Fushë-Milot të Kurbinit asgjë nuk ka ndryshuar.

Shtëpia e tyre u dëmtua rëndë dhe u shpall e pabanueshme. Që prej asaj kohe gjashtë pjesëtarët familjes janë të detyruar të jetojnë në çadër, të cilën e kanë vendosur në oborrin e banesës së shkatërruar.

Tahir Murati tregon se jeta në këtë kushte gjatë këtyre 12 muajve ka qenë mjaft e vështirë.

“Enver Hoxha për tre muaj i bëri të gjitha në tërmetin e 79’….Banesa pësoi dëmtime të shumta nga tërmeti dhe grupet e ekspertëve e kanë nxjerrë të pabanueshme, duke e vlerësuar në kategorinë DS4. Kam shkulur të gjithë pemët por askush nuk ka ardhur”, thotë ai për Abc News.

Më kritike shprehet bashkëshortja e Tahirit, Dëshira. Ajo thotë se e ka humbur shpresën pasi edhe ndihmat janë ndarë në mënyrë selektive.

“S’pyet kush për ne jo. Ata janë për ti sharë, ja u kanë dhënë kujt u ka dash qejfi atyre”, shprehet ajo.

Në kushte të varfërisë ekstreme më e moshuara e shtëpisë nuk ka pranuar të dalë nga banesa që rrezikon të shembet. 90 vjeçarja qëndron në banesën e dëmtuar. Për të është më mirë të jetojë këtu se sa në çadër, me familjarët e saj.

“S’kam frikë hiç, se në çadër s’mund të rri, më merret fryma. Le të më zërë shtëpia, s’ka gjë, që këtej s’mund të dalë, skam ku rri”, thotë e moshuara.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Varhelyi kujton tërmetin e 26 nëntorit: BE do të qëndrojë në krah të Shqipërisë për rindërtimin e shkollave dhe objekteve kulturore

Ditën e sotme Komisioneri për Zgjerimin në BE Oliver Varhelyi ka dhënë një mesazh në rrjetet sociale në një vjetorin...

Close