X

Yuri Kim dhe Soreca të prerë: Gjykata Kushtetuese të jetë funksionale brenda dhjetorit!


Ambasadorja e SHBA-ve, Yuri Kim dhe drejtuesi i delegacionit të BE-së, Lugi Soerca, janë treguar të prerë në qëndrimin e tyre, për ngritjen e Gjykatës Kushtetuese dhe bërjen e saj funksionale, brenda muajit dhjetor.

Dy ambasadorët janë takuar ditën e sotme me Kryetaren e KED-së, Vitore Tusha, ku kanë ripërsëritur apelin edhe ndaj Presidentit Ilir Meta dhe kryetarit të Kuvendit Gramoz Ruçi, për përmbylljen me urgjencë të këtij procesi.

Ambasadorja Yuri Kim deklaron se Meta dhe Ruçi, do të meritonin vlerësime, nëse ndërmarrin veprime urgjente, për të çuar përpara reformën në drejtësi.

Soreca dhe unë u takuam sot me Kryetaren e KED-së, Vitore Tusha për të rikonfirmuar afatin kohor për të caktuar kandidatët e kualifikuar në Gjykatën Kushtetuese. Takimi i nesërm i KED-së që si zakonisht, përfshin vëzhgues nga Parlamenti dhe Presidenca – duhet ta çojë procesin përpara. Kështu Shqipëria do të ketë një Gjykatë Kushtetuese funksionale deri më 31 dhjetor. Kur kjo të ndodhë, Presidenti Ilir Meta dhe Kryepralramentari Gramoz Rucci do të meritojnë vlerësime për ndërmarrjen e veprimeve urgjente në përputhje me opinionin e Komisionit të Venecias dhe në përgjigje të kërkesës së popullit shqiptar për Reformën në Drejtësi“, shprehet ambasadorja.

Ndërkohë ambasadori i Bashkimit Europian, Luigi Soreca, ka vënë edhe njëherë theksin se Gjykata Kushtetuese është kusht për Konferencën e parë ndërqeveritare dhe nisjen e bisedimeve mes Shqipërisë dhe Bashkimit Evropian, ndaj dhe është e rëndësishme çuarja përpara e procesit të plotësimit të Vakancave sipas opinionit të Venecias.

Është thelbësore çuarja përpara e procesit bazuar në opinionin e Venecias. Sigurimi i funksionalitetit të Gjykatës Kushtetuese është një kusht kryesor për të filluar bisedimet me Konferencën e Parë Ndërqeveritare”, shprehet ndër të tjera, Soreca.

Në ditët në vijim pritet që Këshilli i Emërimeve në Drejtësi, t’i dërgojë Presidentit Ilir Meta, për dekretim listën e kandidatëve të pikëzuar për vendet vakante.
Ndërkohë që Komisioni i Venecias ka përcaktuar, se jo domosdoshmërisht KED duhet të dërgojë për përzgjedhje tre kandidatë, pasi në mungesë të kandidaturave, Presidenti apo Kuvendi, mund të zgjedhë anëtarët e rinj edhe në një listë me një apo dy kandidatë.

* Për më shume bashkohuni në grupin tonë: https://www.facebook.com/groups/tpz.al/
More in FLASH, KRYESORE, LAJME
Gjobiten nga Policia/ 573 qytetarë ndëshkohen për mosmbajtje maske në rrugë

Vijojnë kontrollet në të gjithë vendin, për zbatimin e masave anti-Covid. Ndëshkohen me masë administrative 3.000 lekë, 573 qytetarë që...

Close