X

Infektohet me koronavirus, zv/ drejtori i policisë së Tiranës

Një tjetër drejtues i Policisë së Shtetit është infektuar me koronavirus.

Bëhet fjalë për zv. drejtorin e Rendit e Drejtorisë Vendore të Policisë Tiranë, Dhimitraq Ziu.

Mësohet se Ziu aktualisht është në gjendje të stabilizuar dhe po trajtohet në banesë.

Java që po mbyllet ishte e zezë për policinë shqiptare, pasi u infektuan mbi 120 efektivë.

Aktualisht mbi 300 efektivë janë të karantinuar në shtëpi si pasojë e infektimit.

Pesë oficerë janë të shtruar në spitalet Covid për të marrë mjekimin e nevojshëm.

Ndërsa që nga fillimi i pandemisë dhjetë prej uniformave blu kanë ndërruar jetë.

Pjesa më e madhe e efektivëve të prekur janë ata të rendit dhe të shërbimit qytetar, që janë në kontakt të drejtpërdrejt me qytetarët.

Kujtojmë se pak ditë më parë u infektua me COVID-19 dhe kreu i Policisë së Shtetit, Ardi Veliu.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, FLASH, LAJME
Robert Ndrenika trishtohet për ndarjen nga jeta të regjisorit Muharrem Fejzo: E njihja që kur isha fëmijë

Aktori i njohur, artisti i merituar dhe “Nderi i Kombit” Robert Ndrenika nuk mund ta fshehë trishtimin për humbjen e...

Close