X

Jorida Tabaku: Inceneratorët vjedhje e njerëzve pranë Ramës, në Tiranë do të zhvasë 400 milion euro nga buxheti


Ish-deputetja demokrate dhe ekspertja e ekonomisë, Jorida Tabaku ka shpjeguar të gjithë skemën korruptive që Rama ka vepruar me tre incerenatorët, që po I marrin buxhetit të shtetit miliona euro.

Fillimisht znj. Tabaku, u ndal te intervista e mbrëmshme e Ramës në Opinion ku foli për incerenatorët.

‘Unë vetëm argument nuk dëgjova nga kryeministri.

Unë mbëmë kam dëgjuar vetëm fyerje, sulme, por vetëm argumente nga një kryeministër, për zbardhjen e faktit se si një kompani pa minimumin e një viti, arriti të marrë një koncesion 400 milion euro dhe paguhet akoma pa bërë asnjë punë.

Ditët e fundit kompania ka filluar të kthejë përgjigje, por kjo nuk është një çështje ekologjike, por është çështje korrupsioni.

Dhe sado figura me 3d të bëjë Rama asgjë nuk e zhbën faktin, që këta kanë ngritur një kompani për të vjedhur para.

Të gjitha çfarë shfaqi Rama janë vetëm figura në kompjuter.

Sepse realisht aty nuk ka asgjë.

Situata është shumë më ndryshe, nga pamjet që ofron kompania.

Kryeministri po e mbron sikur të jetë pronari i vërtetë.

Nuk besoj se do të ekzistonte ndonjë kontratë tjetër për të cilën janë paguar 75 milion euro ndërkohë që kompania ka investuar vetëm 10 përqind të tyre.

Edhe KLSH e ka gjetur me shkelje këtë kontratë që është në kundërshtim me vullnetin.’

Tabaku ka folur ndërkohë edhe për incerenatorin e Tiranës, që sipas saj do të rrisë tarifën e pastrimit për qytetarët.

‘Kemi incerenatorin e Tiranës për të cilën nuk është shprehur pushteti vendor në Bashkinë e Kavajës dhe të Rrogozhinës.

Ministria e Financave nuk ka dhënë ok për fondin.

Ndërkohë që kompania është një kompani guackë në parajsat fiskale.

Ësjhtë një histori ku fshihen njerëz të afërt me kryeministrin Rama dhe ministrin Ahmetaj.

Përpara është një histori e pastër zhvatje dhe korrupsioni.

Se si shteti ka krijuar një kompani me emër të rremë.

Sigurisht që pas kësaj fshihej njerërz pranë qeverisjes Rama.

Po kështu duhet se si rriten tarifat e pastrimit në Tiranë në Durrës, dhe si do të detyrohen bashkitë e Elbasanit dhe Belshit që më detyrim të çojnë plehrat në incerenatorin e Tiranës.

Nuk po flas këtu pastaj për kompanitë e tjera që duhet të çojnë atje inertet.

Kjo është e papranueshme.

Çfarë do justifikimi që të japin, nuk e mbulojnë dot vjedhjen.’

Tabaku foli edhe për shifrat që publikon Rama.

‘Unë nuk e di si janë çmimet në Europë.

Çdo shifër e Ramës është e gënjeshtër.

Në Europë mund të paguhet më lartë kur e ndërton privat, por ju kur e bën shteti.

Vetë Ministria e Financave ka treguar se investimi nuk është bërë.

Nga informacioni që kemi edhe nga vrojtimet në terren në Durrës e kanë mbyllur me një vendim mafioz në Porto Romano.

Donin ta detyronin Bashkinë e Durrësit që ti hidhte mbetjet në Manëz, por banorët reaguan.

U detyrua Baskia e Durrësit që të mbetej pa një vend mbetje dhe u detyrua t’i sillte në Tiranë.

Dhe këta do t’i marrin 14 milion euro Bashkisë së Durrësit duke rritur edhe tarifën e pastrimit.

Është një situatë e paprecentë që me stil mafioz mbyll Porton Romanon dhe me stil mafioz i detyronë t’i sjellin në Tiranë.’

Tabaku ndërkohë tha se vetëm inceneratori i Tiranës do i marrë buxhetit të shtetit 400 milion euro.

‘Incineratori i Tiranës do të marrë 400 milion euro nga buxheti i shtetit.

Dhe po merr ende pagesa nga Bashkia e Tiranës, dhe Bashkia Durrës për çdo ton mbeturina atje.

Këta kanë krijuar ligje për ti bërë punë këtij inceneratori.

Ndërkohë që bizneset janë duke mbyllur qepenat, këta po investojnë fuqishëm në këtë incenerator që nuk e shpjegoj dot.

Që në gjenezë kur është krijuar ky problem ka qenë korruptiv.

Të tre këto kontrata janë mbajtur të fshehur.

Në vitin 2016 pasi kam dërguar 10 shkresa unë kam marrë këto kontrata, dhe të gjitha këto janë korruptive.

Këtu bëhet fjalë për vjedhje që do u kushtojë shtrenjtë shqiptarëve.’

Tabaku foli edhe për mundësinë për tua kthyer pas shqiptarëve paratë korruptive që Rama po u merr shqiptarëve me inceneratorët.

‘Ne do të bëjmë të pamundurën që këto para t’i kthehen  buxhetit të shtetit. Është e papranueshme që në Shqipërinë e vitit 2020 të kemi vjedhje të tilla të stilit mafioz, që prekin tre nga kushtet e procesit të integrimit, krimin, korrupsionin dhe pastrimin e parave.’

Në fund të intervistës Tabaku u ndal edhe te incerenatori i Elbasanit.

‘Incerenatori i Elbasanit është shembulli i parë si filluan  procedurën korruptive.

Me një tender që kishte vetëm një ofertues, që duhet te ishte i hapour por që ishte i mbyllur.

Që nuk kishte leje në mjedis, dhe me çdo shkelje të mundshme të ligjit arritën të japin këtë koncesion.

Qe incerenatori i Elbasanit të punojë me kapacitet të plotë, duhet të japin mbetjet, Elbasani, Belshi deri në Korçë.

Sipas informacioneve tona është një teknologji e vitit ‘70.

Këtu duhet të diskutohet më parim se çfarë kostoje i kanë shkaktuar buxhetit të shtetit.

Edhe sot më kanë dërguar foto të mbetjeve që digjen në Elbasan, ndërkohë që me 75 milion euro mund të ishte krijuar një paketë e tretë ndihme për qytetarët u shpreh Tabaku ne Syri Tv.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, FLASH, LAJME
Vlorë, 19 raste me Covid-19, infektohen punonjës të Kadastrës dhe Bashkisë së Selenicës

Ditën e sotme në qytetin e Vlorës janë konfirmuar 19 raste pozitiv për Covid-19, një numër rekord ky që prej...

Close