X

Erdogan letër drejtuesve të BE-së: I gatshëm për dialog pa kushte me Greqinë

Në një letër dërguar drejtuesve të BE-së një ditë para Këshillit Europian, ku do të diskutohet për tensionet në Mesdheun Lindor dhe sanksionet e mundshme kundër Ankarasë, Presidenti turk, Recep Tayyip Erdogan theksoi se ishte i gatshëm për një dialog me Greqinë pa kushte paraprake.

Në mesazhin drejtuar krerëve të institucioneve në Bruksel dhe presidentëve dhe kryeministrave të vendeve të BE-së, me përjashtim të Greqisë dhe Qipros, presidenti turk nënvizoi rëndësinë e marrëdhënieve BE-Turqi dhe progreset e realizuara në këtë drejtim nën qeverisjen e tij.

“Së fundi, marrëdhëniet tona janë përballur me sfida të reja, në sfondin e zhvillimeve në Mesdheun Lindor”, shkruan Erdogan duke theksuar si objektiv kryesor të Turqisë delimitimin e zonave të juridiksionit detar në mënyrë të drejtë.

“Gjetja e një zgjidhjeje paqësore dhe të drejtë për problemet në Mesdheun Lindor është përgjegjësia jonë e përbashkët”, përfundon presidenti turk.

* Për më shume bashkohuni në grupin tonë: https://www.facebook.com/groups/tpz.al/
More in BOTA, LAJME
Athina nën ‘pushtetin’ e COVID-19, mbyllen dy qendra që u shërbejnë edhe emigrantëve shqiptarë

Autoritetet greke njoftuan mbylljen e dy qendrave që u shërbejnë emigrantëve të huaj në kryeqytetin grek Athinë pas rasteve të...

Close