X

Flamur Noka shpjegon përse la Kukësin, për të kandiduar në Tiranë

Ish-deputeti i PD-së dhe ish-ministri i Brendshëm, Flamur Noka ka folur për lëvizjen më të fundit të tij, kandidimin në Tiranë duke lënë Kukësin.

Në një intervistë për emisionin “Kjo Javë” në News24, Flamur Noka thotë se lëvizja e tij është bërë pas konsultimeve.

Sipas tij rrethanat e PD janë të tilla që ai duhet të kontribuojë më shumë në Tiranë, pasi kuksianët tashmë për të janë të motivuar edhe pa emrin e tij në listë.

Ai nuk e fsheh keqardhjen për moskandidimin në Kukësi por thotë qartazi se është punëtor i vjetër në PD dhe është besnik i partisë po aq dhe elektoratit.

“Unë jam një punëtor i vjetër partie. Jam rritur në atë parti, dhe përgjithësisht kam zbatuar një parim. Parimi është ky, forca ime politike që më ka rritur, unë do i përgjigjem ku të jetë.

Sigurisht që ndjej një keqardhje. Por kur rrethanat kërkojnë që duhet të japësh më shumë në një vend tjetër, duhet të shkosh. U zgjodha për 3 mandate.

U ngelem besnik elektoratit, por po aq dhe PD. Jam rritur këtu, dhe si njeri i rritur në PD, kur bëhen diskutime për nevoja për kontribut.

Kjo është bërë në konsultë. Pasi sigurisht që unë siç e thashë kam qenë gjithnjë i hapur. Puna është ku mund të bëj më mirë. Kukësi ka qenë domosdoshmëri të isha unë në luftëtar në beteja për sa kohë kishte 4 mandate. Kuksianët nuk kanë më nevojë, ata janë të motivuar tashmë. I motivon më së shumti Rama. Sepse si ata apo si gjithë Shqipërinë të lënë pas dore, të përzënë.” u shpreh Flamur Noka.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Spiropali bën hartim-gjeagjëzë: Nga do të hyjë opozita, nga dera, nga dritarja, apo nga rruga e miut?!

Ministresha për marrëdhëniet me parlamentin, njëkohësisht zëdhënësja e qeverisë Rama, Elisa Spiropali, pasi deklaroi se do të hante Endri Shabanin...

Close