X

Bayerni në super formë, përmbys Sevillan dhe fiton Superkupën e Europës

Bayerni i Mynihut çon në katër numrin e trofeve të fituar këtë vit, teksa pas kampionatit, Kupës së Gjermanisë dhe Ligës së Kampionëve, arriti të ngrejë lart edhe Superkupën e Europës.

Në sfidën e zhvilluar në “Puscas Arena” të Budapestit, bavarezët ia dolën të triumfojnë me rezultatin 2-1 ndaj spanjollëve të Sevillas, që vinin në këtë sfidë me statusin e fitueses së Europa Leagues.

Andaluzianët e nisën mirë ndeshjen dhe në minutën e 13’ fituan një 11-metërsh, të cilin e shndërroi në gol futbollisti kryesor i skuadrës, Lucas Ocampos, megjithatë baraspesha u rikthye në minutën e 34-t, me golin e Leon Goretzkës.

Më pas deri në fund rezultati mbeti i pandryshuar, kjo edhe për faktin se polakut Lewandowski iu anulua një gol për pozicion jashtë loje, ndërsa të dy skuadrat iu drejtuan kohës shtesë prej 30 minutash për të përcaktuar fituesen.

Në shtesë trajneri Hansi Flick aktivizoi edhe kanadezin Anthony Davies e spanjollin Javi Martinez, dhe pikërisht ky i fundit shënoi golin e fitores në minutën e 104-t, teksa gjuajti saktë pas zhvillimeve të një goditjeje nga këndi.

Bavarezët konfirmojnë kështu se janë skuadra më në formë e momentit në Gjermani e Europë, pasi në harkun kohor të 4 muajve kanë fituar 4 trofe dhe më 30 shtator do të provojnë të ngrenë lart edhe Superkupën e Gjermanisë, të cilën do ta diskutojnë me Borussian e Dortmundit.

* Për më shume bashkohuni në grupin tonë: https://www.facebook.com/groups/tpz.al/
More in SPORT
Drita humb në Poloni, Milani fiton me vuajtje ndaj Bodo/Glimt

Ashtu si Shkëndija e Tetovës, edhe Drita e Gjilanit i dha fund aventurës në Europa League, pasi u mposht nga...

Close