X

Goditën me sende të forta një person, arrestohen tre të rinj në Tiranë


Policia e Tiranës ka zbardhur ngjarjen e një muaji më parë, ku tre të rinj dhunuan një person.

Ngjarja ka ndodhur në rrugën “Mihal Grameno”, me date 09.08.2020, ku pas një konflikti të çastit, për motive të dobëta tre persona goditën me sende të forta shtetasin K.H., i cili ndodhet aktualisht i shtruar në spitalin e Traumës.

Në kudër të operacionit të koduar “Kombinimi” policia vuri në pranga tre autorët e dyshuar të ngjarjes.

Njoftimi i policisë:

Zbardhet dhe dokumentohet ngjarja e ndodhur me datë 09.08.2020, ku mbeti i dëmtuar me sende të forta një shtetas.

Finalizohet nga Komisariati i Policisë Nr.1, operacioni i koduar “Kombinimi”.

Kapen dhe ndalohen 3 shtetas, autorë të dyshuar të ngjarjes, të shpallur në kërkim për veprën penale “Plagosje e rëndë me dashje e kryer në bashkëpunim”.

Si rezultat i një punë të mirorganizuar dhe të pandërprerë për dokumentimin dhe kapjen e autorëve të kësaj ngjarjeje, nga Komisariati i Policisë Nr.1 u zhvillua operacioni Policor “Kombinimi”, në kuadër të të cilit u bë i mundur, kapja dhe ndalimi i autorëve të dyshuar të kësaj ngjarjeje, konkretisht:

S.Z., 23 vjeç, E.Z., 18 vjeç dhe R.Ç, 31 vjeç, të tre banues në Tiranë.

Këta shtetas, në bashkëpunim me njëri-tjetrin, në rrugën “Mihal Grameno”, me date 09.08.2020, pas një konflikti të çastit, për motive të dobëta kanë goditur me sende të forta shtetasin K.H., i cili ndodhet aktualisht i shtruar në spitalin e Traumës.

Materialet i kaluan Prokurorisë së Rrethit Gjyqësor Tiranë, për veprime të mëtejshme.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Bëri padrejtësisht 15 vite burg, gruaja fierake: Kjo është e vërteta për vrasjen e bashkëshortit tim

Rruzhdie Dalipi, e ftuar mëngjesin e mërkurës në studion e “ABC-ja e Mëngjesit”, ka treguar sesi e kaloi rininë e...

Close