X

Artan Hoxha: Krimi shqiptar tani operon në Republikën Domenikane, ja nofkat me të cilët identifikohen krerët

Gazetari Artan Hoxha i ftuar në emisionin “Aktualitet” në Fax News ka zbuluar se grupet kriminale shqiptare kanë filluar të operojnë në Republikën Domenikane gjatë kohëve të fundit, ndërsa sqaroi se personazhet më të pasur të krimit në Shqipëri njihen me nofkat e vendit ku qëndrojnë.

“Italia është vendi më i afërt i joni, kështu që shtrirjen e parë shqiptarët e kanë aty. Numrin më të madh të emigrantëve e kemi në Itali dhe Greqi. Sigurisht duke qenë prezentë në Itali, jemi marrë që nga trafiku i klandestinëve, prostitucionit, armatimit, dalëngadalë grupet tona krijuan njohje. Grupet shqiptare zëvendësuan punën e grupeve italiane dhe nëse kishte një goditje, ata i shpëtonin por njëkohësisht merrnin përqindje të aktivitetit të shqiptarëve.

Aktualisht shqiptarët në Itali janë pikë referimi sepse duke shkuar në vendin e origjinës. Pasi konsoliduam pozicionin tonë në trafikun e heroinës, sigurisht që objektiv u bë droga që sjell paratë më të mëdha sot, kokaina. Sot personazhet më të pasur në Shqipëri njihen me nofkat e vendit ku qëndrojnë. Njëri njihet si filani i Brazilit, i Kolumbisë etj. Këto 2 vitet e fundit ka dalë në skenë Republika Domenikane ku janë vendosur shqiptarët.

Duke patur parasysh këtë lloj hierarkie që kanë grupet kriminale shqiptare, shoh vëmendjen që kanë mediat e huaja për ta”, tha gazetari Hoxha.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Nuk i lanë të protestojnë/ Këta janë pesë mjekët që do takojnë Edi Ramën

Pasi erdhi reagimi zyrtar nga Kryeministria, ku kjo e fundit kërkonte të ulej në një tryezë me një përfaqësi të...

Close