X

Korçë, transportonte emigrantë të paligjshëm, arrestohet 40-vjeçari


Policia e Korçës ka njoftuar se është arrestuar Erik Gjergji, 40-vjeç pasi është kapur nga shërbimet e policisë së Pogradecit, duke transportuar dy emigrantë të paligjshëm, të cilëve u kishte premtuar kalim të paligjshëm të kufirit kundrejt pagesës.

Arrestimi i 40-vjeçarit u krye pranë vendit të quajtur “Enkelana” në Pogradec.

Njoftimi i policisë:

Në vijim të operacionit policor “Perimetri” është goditur një tjetër rast i aktivitetit kriminal të dhënies ndihmë shtetasve të huaj, për kalim të paligjshëm të kufirit kundrejt shpërblimit, si rezultat i të cilit u bë kapja dhe arrestimi në flagrancë i shtetasit E. Gj., 40 vjeç, banues në Lezhë.

Shtetasi i mësipërm, është kapur nga shërbimet e policisë në vendin e quajtur “Enkelana” në Pogradec, duke transportuar me mjetin tip “Ford”, dy emigrantë të paligjshëm, të cilëve kundrejt fitimit prej 250 euro iu kishte premtuar kalimin drejt vendeve të BE-së.

Materialet i kaluan Prokurorisë Pranë Gjykatës së Shkallës së Parë Pogradec për veprën penale “Ndihma për kalim të paligjshëm të kufijve, kryer në bashkëpunim”.

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, LAJME
Importi i cigareve bie në nivelin më të ulët. Ja sa ton u sollën në Shqipëri në shtatë muaj

Shqipëria importoi në mënyrë të ligjshme 1685 tonë cigare gjatë periudhës janar-gusht 2020, 260 tonë ose 13% më pak se...

Close