X

Shtëpia u dëmtua nga tërmeti, banori i Bubqit: Bashkia thotë ke dy shtëpi, në të vërtet kam një


Zvarritja nëpër zyra dhe mosdhënia e një zgjidhjeje për hallin që kanë, i ka lënë shumë banorë të Bubqit në Krujë në mëshirë të fatit pas tërmetit të 26 nëntorit.

Banori i Bubqit. Behar Kallaku, të cilit shtëpia i është shkatërruar dhe që ekspertët e kanë nxjerrë për shembje, nuk po gjen zgjidhje në institucionet shtetërore.

Në takimin që pati me ish-deputeten e Partisë Demokratike, Oriola Pampuri, ai shprehet se në Bashkinë Krujë i thonë se ka dy shtëpi, por që në fakt ka vetëm një.

Mosgjetja e një zgjidhjeje përfundimtare vetëm sa ia ka shtuar stresin, pasi ai thotë se me djalin e paralizuar dhe problemet e tjera ekonomike, nuk e përballon dot situatën me financat që ka.

“Unë jam Behar Kallaku, banues i Njësisë Administrative Bubq. Mua tërmeti më goditi si të gjithë zonat tona dhe fatkeqësisht më është shembur dhe shtëpia.

Unë kam përfituar një DS4 në bazë të ekspertëve që kanë ardhur të gjithë dhe akoma nuk më kanë dhënë një zgjidhje tamam zyrtare. Sipas bisedës që kam bërë me përfaqësues të bashkisë së Krujës, më kanë thënë që ti disponon dy shtëpia. Faktikisht unë kam vetëm një shtëpi, edhe kjo shtëpi më është shembur dhe tani jam jashtë,” shprehet Kallaku.

“Ndërkohë, kanë qenë ekspertët që kanë ardhur, e kanë vlerësuar dhe kanë vendosur që përfitoni DS4?” Pyet Pampuri.

Behar Kallaku: “Ekspertët. Ekspertët të gjithë, kanë ardhur dhe thanë e ke DS4. Urdhëro dokumentin, është DS4. Tani dyshojnë, por unë në fakt nuk kam shtëpi tjetër. Shtëpia është vetëm kjo këtu.”

Oriola Pampuri: Domethënë ju në dokumentacion keni vetëm një shtëpi?

Behar Kallaku: “Vetëm një shtëpi! Duke pa dhe situatën e vështirë, djali që është i paralizuar dhe problemet e tjera ekonomike të miat, unë nuk e përballoj situatën me këto financa që kam.

Prandaj kërkoj nga Bashkia e Krujës, të më një japin një urdhër, një vendim të saktë, zyrtar, a kam përfituar DS4, po se jo.

Nuk i kërkoj asgjë tjetër! Nuk ka gjë të keqe edhe po më thanë jo. Është më e ndershme të më thonë jo, sesa po, me na stresu. Na kanë çuar në një stres të paparë, saqë ata nuk e kuptojnë, asnjë, çfarë stresi kemi ne!”

* Për më shume bashkohuni në grupin tonë: https://www.facebook.com/groups/tpz.al/
More in AKTUALITET, FLASH, LAJME
Tërmeti dhe pandemia orientojnë kërkesën drejt rezidencave elitare dhe vilave

Pas tërmetit të 26 nëntorit dhe pandemisë, kërkesa për të jetuar në rezidenca ku janë të përqendruara apartamentet në ndërtime...

Close